Neujahrswünsche vom Huosigau

Neujahrsgruß vom Huosigau

Neujahrsgruß vom Huosigau

„De kloana Sachn“

Alle Jahre wieder is zum lesen und zum hörn
was mogst ois erreichen – wia soll´s neue Jahr wern?
De Vorsätze und Wünsche san meistens recht groß
Erfolg, a neie Figur, Gsundheit verbessern – wär des ned famos?

Aber mir wünschen Eich und uns ganz wos anders
oft übersehen, aber doch ganz wos Bsonders!
Konnst dir´s scho denken? Woasst was i moan?
Lebensglück is oft verborgen und aufn ersten Blick kloa.

A Feuer im Kamin, warm und schee
de Vorfreud´ der Kinder auf Tage im Schnee.
wos guads zum Essen und Trinken dazua
ned alloa sei miassn und Familie grod gnua.

A kloana Ratsch mitn Nachbar am Zaun
Zeit hom, um mit de Kinder Lego zum baun.
In Ruah mit Freind a Flaschl Bier zum geniessen
und ned vo oam Termin zum andern hetzen miassn.

Geh´ma in uns und spürn in uns nei
s´ größte Glück konn manchmoi kloa und unscheinbar sei.

Text © Sofie Albrecht
Bild © Kathrin Urbanek

Zurück